Старшип на Елон Маск експлодира на лансирната рампа пред тест полетувањето

Вселенскиот брод експлодирал за време на тест за „рутинско статичко палење

Локалните власти потврдија дека експлозијата се случила во време кога ракетата се подготвувала за „рутинско статичко палење“ на своите мотори.

Тоа значи дека инженерите требало да ги тестираат моторите на ракетата додека леталото сè уште било на лансирната рампа. Но, нешто тргнало наопаку и ракетата експлодирала.

SpaceX го опиша инцидентот како „голема аномалија“, пишувајќи во соопштение на X дека: „Безбедносна чиста зона околу локацијата беше одржувана во текот на целата операција и целиот персонал е безбеден и евидентиран“.

Извршниот директор Елон Маск рече дека нема опасности за блиските заедници и ги замоли луѓето да не се приближуваат до локацијата.

SpaceX развива вселенски летала Starship со надеж дека ќе испрати мисии со екипаж на Марс до крајот на деценијата, меѓу другите амбициозни планови.