Мобилните телефони станаа спектакуларно недделиви од нашиот живот. Постојано зјапаме, ѕиркаме во нив и просто не можеме да се одлепиме. Дали оваа заслепеност и зависност брзo да се види секоја нова вест, порака или лајк на статус, објава фотографија на било која платформа е само прв бран од новата технолoгија, не знам и никој не знае. Времето ќе покаже дали нормално ќе се однесуваме и ќе најдеме реален баланс.
Ако се обидувате да осудите или морализирате, сетете се на сцените кога на почеток на векот или десетици години подоцна и на балканите, како се тепавме за првите изданија на весници, па втори изданија во ист ден, а стотици луѓе потпрани на ѕидовите, застанати на тротоарите читаат и од раце не испуштаат. Сличност нема, бидеејќи е потполно исто. Денес весници изумреа, но ќе се сетам дека каков таков баланс направи пак телевизијата за добивање најнови информации газејќи преку радиото и печатените гутенбергови писанија.
Денес луѓето одат во сиви средини, со премногу бучава, премногу луѓе и мене ми е разбирливо што попрво ќе гледаат во мобилниот одошто да гледаат во сообраќајниот калабалак или замаглените од смог сиви урбани пејсажи. Да ги исмеваш не е во ред бидеејќи помалку или повеќе сме слични и ние самите. Но поради зјапање и одење зачестија и тоа се повеќе, мали незгоди, каде загледаните во своите апарати знаат и да се судрат меѓу себе, пропаднат во дупка, удрат во дрво или бандера, сопнат од нешто... Многу земји се обидуваат со казни, укази, кампањи да ги одвикнат пешаците од мобилните, но не и Кина. Тие разбираат масовноста и се прилагодуваат, таков им е цивлизацискиот ген.
Имено, во Кина почнаа да се прават патеки за корисници на мобилни телефони, на ист принцип како патеките за велосипедисти. Ова и не е толку ново, веќе со години тие успеаја на овој начин да ја зголемат ионака енормниот проток на луѓе во урбаните центри и истовремено да им овозможат да не доаѓа до инциденти. Секако, потребни се и услови, широки тротоари за вакво нешто што во нашиве тесни европски кутии за сардини во кои живееме не можеш да се разминеш ни со свртени рамења.